Like 姊妹裙

商戶評分
最高為5 分 -
******************************
商戶: Like 姊妹裙
評戶:  5分 (最高5分)
*******************************係Like度前後共訂左五條裙，只係其中一條既肩帶短左少少，但嗰位姊妹已經自行返去拆線較返長條帶。另一條都係長左少少，其它沒有乜嘢大問題。

雖則我係1月結婚，但因為係農曆新年假期前，所以阿寶都叫我約班姊妹早少少上去揀款同量身。終於係11月中全部上哂去，我一共分左三次至成功同所有姊妹完成揀款＋量尺寸呢。
由於訂單較多，12月底至有裙試，好彩全部裙都啱身，無乜嘢需要大改，如果唔係會好趕呢。

顏色，我揀左紫色。家姐揀嗰條係晚裝款既姊妹裙，所以個紫色有少少不同，但都係同一個tone，所以我覺得問題不大。

期間多次煩住阿寶問嘢，但佢都好樂意回答。而裙既質量都唔錯呀。所以如果再有朋友需要造姊妹裙，我會推薦＂Like＂俾佢。

依個對汽球公仔，係我 join package時滿某一個金額免費送架。
我只係俾左主題顏色：紫色阿寶，阿寶就幫我整左佢地出嚟，係婚前一日過酒樓前去攞。