立體油畫

商戶評分
最高為5 分 -  

******************************
商戶: 新世代數碼相薄制作公司
評戶:   4分 (最高5分)
*******************************
之前都提過係婚展度抽獎中左張20x24"既油畫布，由於唔包錶畫，所以係屋企附近度問過裝錶價錢，一般要睇揀乜嘢款既外框至可以報價，但大約價錢係係二佰尾～三佰幾左右。
之前打過去新世代問過，曬油畫布時間要三個月時間，所以係十月初時急急腳同老公出太子度搵佢地，間舖係係太子聯合廣場隔離既商住大廈中，其實都幾易搵，但佢地開舖時間都幾怪，係星期一至六既 4~6點，上到去有幾pair人等緊，所以我地就睇下佢地放左出嚟既成品，見另一pair人問，至知道原來間嘢都有幫人錶油畫，問左幾款框既價錢，比我之前問既貴少少，但係，如果俾佢地錶油畫，就唔洗等三個月至有成品，兩個星期就搞掂，咁快好多，因為我地十月曬，其實都可能趕唔切我地婚期。
我地睇中左佢地牆上掛住既立體油畫，好特別，出面未見過，問左價錢，如果以我地張coupon加$888就得（自動upgrade變成30"油畫），如果無coupon，價錢就$1,200，我地都諗左一陣，因為如果唔係抽中左張coupon，我地無諗過整油畫，因為之後唔會放出嚟，但如果哂立體油畫，因為特別啲，所以就會掛出嚟，但俾左張相師傅睇，佢會覺得張相有層次感重啲曬依款會好睇啲，所以我地就先返屋企再揀相。

我地之後12月中至再返去曬，最後都係揀返嗰張相，因為張相對我有特別意義。本來1月初有得拎，上去前兩日都打去通知佢地，因為面層有玻璃，所以拎前一日要通知佢地，佢地至裝塊玻璃上畫上，1月5日同老公整完其它嘢就出太子度拎，點之上到去，佢地竟然話漏左單，仲未裝玻璃，因為佢地啲開舖時間只有4~6pm，所以我有提出過要裝幾耐，我可以等佢，如果唔係我下星期無時間過嚟拎，但佢地話今日一定無可能俾我，叫我下星期一嚟攞，同埋佢地其實七點幾都仲有人，所以叫我下星期再攞。

其實整體都好滿意佢地，係漏左單要我地走兩次出去攞畫依度扣左少少分。

結婚當日朋友見到幅油畫都讚特別。特別知道價錢唔洗過千就更加話抵。


新世代數碼相薄制作公司
九龍彌敦道760號東海大廈6/F18室

因為面層有塊玻璃，所以影相出嚟無實辦清楚。