大伯早排到韓國工幹，回來後帶來這樽馬油給我作手信。
本來我都唔知係乜，只知道話可以補濕，去印等。
包裝很精美，包裝盒顏色很有HERMES FEEL。
放左係屋企幾日都無郁過佢，無意中於網上團購中見到有依盒嘢既蹤影，所以順手睇下佢啲介紹，睇左至知依款CREAM好萬能。
介紹資料稱依款馬油原料與人體皮下脂肪相以，易吸收，能迅速滲入，超補補濕，溫和深層修護受損肌膚。
能72小時持續補水，有助淡化痘印，斑痕，皺紋，眼紋，妊娠紋等。
亦可以於妝前打底。
由於無添加配方，全身皆適用，敏感肌膚人士及小朋友亦可以放心使用。
由韓國生產，但原材料由德國進口。
依排皮膚非常之唔穏定，某一個位置不停出暗瘡，係不停出，仲要留左唔少印。本來都唔想試新嘢住，但見依款Cream 既功效好似好啱我依家狀況，所以就開嚟用吓。
講真，包裝很精美，盒靚，仲有封口貼紙，有一透明匙方便取出cream，蓋內還有一張膠封條，好安全呢，絶對唔怕俾人試用過。
味道清香，係淡淡既柑桔味道，連旁邊既老公都嗅得到。
質感好潤，但唔知係咪我皮膚唔多吸收，搽後都會有少少立立地既感覺，但唔算嚴重。我會繼續使用，我要無哂啲暗瘡印，因為太礙眼喇。
不過我覺得太潤，唔敢用係眼，怕出油脂粒，咁就手尾長喇。
沒有留言:
張貼留言