薑檸酵素

其實之前一直都十五十六，諗緊整唔整薑檸酵素好。
一來要等成個月至有得飲，心急的我，我怕我會等得太耐。
二來，我怕薑會太燥熱，所以唔太敢整。
但咁啱我又想整嗰時，我老細既佛教師太又拎左啲自己種既蔬果嚟，咁我就問我老闆攞薑，佢俾左好多我呀，因為係師太自己種，咁唔會有農藥或者其它嘢，咁我就可以放心整喇。

由於薑太多，所以問我媽咪拎左個5L既樽，估唔到整完都過左半樽，不過其實還掂都整，又要等一個月，咁梗係整多啲啦，抵啲嘛，順便預左啲俾我手腳冰冷既朋友。因為薑酵素可以改善手腳冰冷架。

今次真係較上次認真，薑同糖都有磅過，今次既糖真係控制係40%。上次整嗰轉啲糖就亂咁落。

今次改用左太古既天然原糖，好似用佢嚟整薑酵素會好味啲（自己覺得）

同場加影上星期整既提子，奇異果酵素，已經好活躍嘔好多泡泡喇。