家庭旅遊

潛左水十幾日，其實係同屋企人外遊。今次目的地係：東歐。

今次其實係婚後第二次同屋企人一齊去旅行，兩次都係無老公份（因為佢放唔到假），我都覺得自己咁掉低佢係香港一個人睇住兩隻狗好無人性呀。

不過今次係同老公第一次分開咁長時間，我都好唔習慣呀。仲要出發無耐就扭親隻腳，又無佢係身邊，真係覺得好慘呀。而且又長時間坐車，覺得仲辛苦過返工呀。

今次令我最開心既係，竟然係嗰邊搵到香港已經無代理既Milka心型朱古力。我真係好鍾意食依隻朱古力，最尾嗰日去supermarket仲要做緊特價，太約每盒都係HKD12.00左右，一拎拎左十一至十二盒，當時已經俾家姐話我買咁多，點知返到香港分分下，只係得返4盒左右俾自己食，我仲要計漏左我個大食老公，佢又係超鍾意食，我地三日已經KO左兩盒。佢仲癲到上網搵香港有無地方有得買。