繽紛樂 - Brandmark Global Limited - Round 2 - 工作人員

商戶評分
最高為5 分 -

******************************
商戶: 繽紛樂 - Brandmark Global Limited - 工作人員
評戶:  4分 (最高5分)
*******************************

1月3日終於有繽紛樂既職員同我地聯絡，問左我地攞伯大尼同酒樓地址及約埋1月4日如何交收USB。

依位工作人員叫阿Tim，當日都會係佢負責我結婚當日安裝及幫助其它賓客使用依個系統。

結婚前兩日，Tim曾經聯絡我，話會提早半小時到達伯大尼，但由於伯大尼都講明最多只會提早15分鐘交場，所以我都叫阿Tim唔洗咁早，最多早15分鐘就夠喇。
不過由於我地依對新人都遲到，所以我都唔知佢有無準時到達。

其實我真係無乜時間留意有無賓客玩依個系統，但我最愛玩既家人已經不停咁玩。因為第二日睇片時，不停出現都係我既家人。

Tim係得自己一個人搞掂哂所有嘢。即係由裝機，拆機，轉場都係得佢一個。

原本佢公司係預算一般開席後無耐，佢地就會收工。但因為係落單時，我家姐要求多留一點時間，因為預計有人飲左酒又會走出去玩，所以講好話太約九點多至走。

但我係敬酒時，我諗十點多左右啦，仲發現佢企係出面，所以即刻問返姊妹仲乜佢仲未收工，原來我飲醉酒既細佬叫左人留長一啲時間，佢地久不久又走出去拍一陣。所以阿Tim過哂鐘都仲未走，依樣值得加分既。

同埋我有姊妹見佢留咁耐，都叫佢入嚟一齊食嘢，但佢又唔肯。咁樣我會好唔好意思呢。要人餓左一晚。（事後我細佬竟然話唔記得有叫人留耐啲囉）。

第二日睇返啲相都覺得ok，但一開始睇片，就會發覺依個系統既吸引力。好多片都令我地睇完又睇同不停笑。

我屋企人竟然係伯大尼用依個系統嚟大合唱＂千個太陽＂。睇返真係覺得好開心，同埋笑死我地。
仲有好多好多好友既祝福。

不過阿Tim將拍片既時間set 到好短，好多都只有十幾秒。因為我係婚展拍既片，可以拍成分鐘架。同埋佢唔太主動叫賓客留言。好多人都無留意依個系統，所以無拍到。

其實我事前一直唔明點解依間公司一直堅持我地以USB提供相片俾佢地。點解唔可以emial唔可以燒碟。直至我地睇相至發現，原來佢地係用返我地俾佢隻USB嚟錄片及相，然後再俾返我地。
依樣嘢，依間公司重來都無講過。我地仲諗，依家USB咁平(唔洗$100已經買到4G既USB)。佢點都會俾隻新既USB俾我地。所以我地婚前俾相佢時，只係係屋企搵左隻多年前，依家已經無得買既1G USB俾佢，而佢地竟然就咁俾返依隻USB我地。

我問我老公攞USB話睇相時，佢話得依隻，我都即時話唔會放返嚟依度呀，得1G咋喎，可以放得哂咩？？　點知一開，直係佢。其實我都有懷疑過，會唔會唔夠位，佢地Delete 左一啲片同相。

總結嚟講，依個系統係好好既。依間公司工作人員，我地都滿意。
但係對於依間公司　Brandmark Global Limited，我就好有保留。我係兩次婚展都好似見有唔同公司有同樣既系統，如果要揀，我唔會叫朋友揀依間公司。