繽紛樂 - Brandmark Global Limited - Round 1 - 公司管理層

商戶評分
最高為5 分 -

******************************商戶: 繽紛樂 - Brandmark Global Limited - 管理層
評戶: 0分 
*******************************

婚前最令我地不滿既就係依間公司。依個system 係家姐租嚟送俾我地既結婚禮物。所以我不太清楚佢落單俾左乜嘢資料對方，但內容大致了解。

但係婚前兩三個月前拎返d 單出嚟睇時，發現收據寫得非常簡單。又無寫伯大尼同酒樓名，只係有寫多加一個地方要額外多收$1000。

所以當時已經即刻打去同對方聯絡。無記錯係由一位叫Calvin 既男士回覆。當時叫我地放心，會係婚前一個月會有人同我地聯絡，同通知點樣俾埋尾數等。

因為我當時講話係家姐送既，佢即刻都話有印象，仲講都話先去教堂，再去觀塘等。所以當時我都無為意。所以信佢。

直至係我婚前大半個月，家姐打嚟問我繽紛樂有無人同我聯絡，應該要俾尾數喇喎。所以當日星期六，係12點多已經打到佢地公司。有個女仔聽，留左資料俾佢地，過一陣，有個男人打嚟，無記錯就係Calvin。當時佢都問有無收到invoice via email。我話唔清楚有無留email俾佢地。咁佢都話唔緊要，佢轉頭返公司會睇清楚資料再同我聯絡。因為當日都搞緊結婚其它嘢，所以我都無左件事。直至過左幾日都未收到電話。真係嬲到我打俾家姐，我要佢地退返deposit 返嚟。
但家姐話佢同佢地聯絡，轉過頭又同我講佢已經同對方聯絡左同埋己經俾左尾數對方。

因為家姐真係好鍾意依個System，又俾哂錢，咁無計，又再等佢地聯絡我地點樣俾相佢地，因為個system 可以播我地d 相。但要先俾相佢地。所以婚前點都要同佢地聯絡同俾相佢地。

咁又再等啦。等到婚前十日左右。都仲未有人聯絡，打去佢地公司，reception又話唔知， 問有無其它人可以解答到我問題又話無，得返嗰位先生知道詳細資料。嗰時真係嬲到陣呀，我都知唔關個女仔事，但都忍唔住講左兩句，我下個星期已經結婚，你地唔係要我日日打嚟問你地幾時得閒約我攞嘢呀。但得嚟既答案都係要等負責人回覆。所以我放棄左。

轉頭我老公都問我間嘢聯絡左我未，我講返過程俾佢知。佢即刻同佢地聯絡，答案同樣。

所以老公即刻send email 叫佢地退錢，唔要佢地既任何服務。我同老公已經唔想再同佢地周旋喇，因為同佢地合作太辛苦喇。

出左依個email 後，好快就有人覆我老公電話，同埋約左第二日點樣交收USB (因為要俾相佢地)。

其實我要求好簡單，vendon 唔需要我操心。最好可以自動自覺同我地聯絡。但依間公司，要我地主動聯絡不特止，仲要係公司員工覆唔到任何嘢，要不停咁問佢地，但都係無答案可以俾到我地。
講真，結婚前已經有好多嘢要搞，真係唔想係一個可有可無既item 上面不停咁轉，依間公司真係搞到我婚前非常煩。