心目中想要紫中帶藍嗰D, 睇過幾次花園街伯伯嗰度都無, 今日有時間, 就走去花園街, 諗住睇下繽紛啦. 但準備過馬路時, 發現繽紛對面馬路有一檔買絲花既店舖, 兩個舖位, 都幾大間, 所以又走過去八吓.
E...... 有我想要既色喎, 又好多款, 但講真, 我都唔太記得繽紛幾錢, 同埋都想睇埋繽紛D 顏色, 所以又走埋上去, 嘩..... 貴好多, 同埋佢無我想要既顏色. 所以又走返去依間舖度買, 依家照價有九折. 我買左兩款唔同既繡花球. 折左之後好似$90 左右.
咁我又可以搞我個Welcome board 喇.
其實想自己整埋親友既襟花, 但返到屋企再睇返之前買嗰個紫色玫瑰花, 唔太鍾意....... 咁點算好呢???
我有時都會行下呢間架~~~
回覆刪除[版主回覆09/25/2012 13:23:19]哈哈.. 我第一次去依間咋.
呢間我次次行過都會入去走個轉架
回覆刪除[版主回覆10/02/2012 12:53:11]依間我第一次行咋. 好多花款呀.
想問係咪有現成的絲花球, 手花, 襟花呢d? 因為我自己好鬼憎花, 只可以用絲花球, 依家睇黎睇去都係d網上鋪多.
回覆刪除[版主回覆10/02/2012 21:11:16]依間有, 但包裝未必靚.
所以可以睇下繽紛, 繽紛有現成手花同花球放左係度, 花球另外有本相薄會多d 款俾你揀.