屋企人都一齊去睇,一行7人一齊去睇場。
好彩預鬆左時間,因為要到灣仔接埋家姐,所以要行紅隧,好塞車呀,結婚前都要搵幾個星期六同男友試一試行路線嚟預吓時間。
因為塞車,本身係有早既,仲諗住去飲杯嘢打發時間,依家就變成啱啱好。準時4:30PM到達。
立即聯絡職員,因為所有門係鎖住架,所以佢都問我地係咪人齊,人齊至一齊入去。
其實我一直都未入過去教堂內部,裡面果然好靚,真係無揀錯到地方,但講真,地方真係唔算大。所以如果預好多人嚟觀禮就未必啱用。
入到去,有一個學生練緊管風琴,哈哈... 咁順手俾我地知道埋如果租埋個琴既效果。都唔錯。(其實正常有人練習係唔俾人睇場架,但只係我先BOOK睇場,所以依家係個學生係我地睇場時,佢要暫停練習)
細佬同男友就立即試咪同音響,如果播緊歌又用無線咪,會有少少影響,咁可能用返有變咪會好d d 喎。
不過其實我地支無線咪都可能有少少問題,所以都試講吓嘢,睇吓唔用咪得唔得。因為如果我地支咪唔得,就要俾$480租伯大尼支無線咪喇,其實好鬼貴。
依度係無更衣室架,所以只可以用傷殘人仕既洗手間,或者教堂內後面既位。
有人講過,4點至6點既陽光影入伯大尼內係最靚架。真係好靚,但我註冊時間係1-3點
上面就係彈管風琴既地方
陽光影入嚟,真係好靚。
等進時,我同爸爸就係依度等候喇。
停車場收費表,HK$40/小時,好貴。
伯大尼既外觀。
有一免費油畫架提供使用。
我返到屋企至諗起,我其中一樣最想睇既長台,我係無睇到架,因為要睇吓要唔要另外買布料佈置吓張台。
伯大尼真係好靚呀!!!
回覆刪除[版主回覆09/13/2012 17:54:45]係呀, 真係好靚呀.
真係好好好靚呀~~~~
回覆刪除[KEUNG & KIT回覆09/14/2012 16:42:34]我晚上8︰30酒樓証婚
[版主回覆09/14/2012 13:48:01]你幾點行禮呀??
[KEUNG & KIT回覆09/14/2012 11:35:11]haha,到時大婚當日既時間,我一定會想起你行禮中!!
[版主回覆09/13/2012 17:54:59]我都好鍾意呀.
Really very pretty ah!!!!!
回覆刪除It's going to be a very special moment walking down the aisle!!!!
[版主回覆09/14/2012 10:04:39]
嘩~~~
回覆刪除真係好靚丫!!!!!!
睇完你既相, 再睇埋你既介紹, 真係好想好想係o個度行禮~~~
我已經幻想緊媽咪拖住我入場, 之後將我交比男朋友既一刻
剩係咁樣諗, 都已經好開心喇~~~
希望到時我可以順利book到啦~~
咁你打算點樣佈置張長枱??
我都係煩緊呢樣野
同埋諗緊好唔好帶多一兩張枱去, 用黎放相簿
仲有我都考慮緊搵人彈琴好.. 定播CD好....
好多野要諗丫...
[MissO回覆09/14/2012 14:35:00]因為我有朋友識彈管風琴, 所以有諗過用佢
但我有睇過其他blogger 講, 佢有兩個音係走音既... 所以仲諗緊
原來唔可以放野係場外架?? 咁我一定唔可以係場外放個帳篷... 準備少少snack 比賓客....
我諗住準備兩張枱, 一張係簽名既, 另一張就放pre-wedding 既相簿
等賓客係出面等既時候, 可以有野望下
如果唔得呢, 行禮前我就會用張枱黎做reception
行完禮先放相簿~
[MissO回覆09/14/2012 14:30:01]係丫~~ 所以我都好緊張~~
希望book到!!
如果我book唔到就要轉去大會堂既婚姻註冊處.. 真係差好遠......
其實張枱都唔錯, 隻色幾靚, acceptable la~~加埋你買既藤球等等既裝飾, 一定好靚je~
[版主回覆09/14/2012 13:46:56]自備台. 嗰度地方唔大, 因為d 嘢全部要放係入面 (即上面長台嗰條走廊度 + 教堂內), 唔可以放嘢係場外地方. 所以我諗你唔好帶台過去 . 因為我依家個繽紛樂(部電視嚟)都未必可以放係走廊, 我要放係上圖話等進場既地方. 其實我都唔係咁想放嘢係等進場既地方. 好似影相出嚟無咁靚.
佢提供張長台都有180 x 75 cm 架. 應該都夠放嘢.
其實嗰度有導賞團, 會帶人入去伯大尼座嘢同介紹歷史, 有興趣可以打去問吓幾時有, 因為如果有人行禮或上堂, 就無依d團, 同埋有分中,英文既團.
[版主回覆09/14/2012 13:33:24]你過兩個月就可以打去book 場喇喎. 搵多d 朋友幫手打. 我地兩個自己都打唔通, 都係朋友幫手至打得通. 佢地分別12點正同12點01分打到. 未開始可以打時, 我男友都問我, 如果一直打唔通, 咁點算, 我話, 咪打到通為止囉.
嗰度靚呀, 不過我男友話地方唔大, 所以唔算莊嚴 . 但我已經好滿足架喇. 我d 相全部用手機影, 出嚟效果都好好呀.
張台..... 張相嗰張台, 係依家暫時最新既相. 上年佢地send 俾我張台既台布真係要自己搞搞, 但依家睇相, 都覺得ok. 我唔搞喇. 不過上次上笋崗買左d 紗布, 到時帶埋過去, 睇吓洗唔洗加. 我買左個鳥籠 , 蕂球用嚟佈置, 諗緊整唔整welcome board 同加埋蠋台囉.
你想用佢個管風琴?? 其實用管風琴氣氛係唔錯, 但我本身無諗住用, 所以無問可唔可以較大細聲. 因為我地試完音響 , 只係繼續睇地方時, 咁個學生可以繼續彈琴, 我覺得太大聲, 因為伯大尼設計係歌德式(職員講既), 所以回音好大. 所以我講誓詞時都可能唔洗用咪.
伯大尼真係好靚呢~所以話貴都係值得~haha~
回覆刪除[版主回覆09/14/2012 13:38:55]其實未book 前都有諗過book 唔book 好. 因為除左租場, 仲要加埋租車接送, 但又真係好鍾意喎, 所以都同自已講, book 到係我好彩, 就去伯大尼註冊, book 唔到就返酒樓度註冊.
值得架!!!一定有一個難忘既回憶
回覆刪除[版主回覆09/15/2012 12:53:33]我都希望呀, 我有時會諗, 到時我會唔會喊到講唔到誓詞.
我都係伯大尼註冊呀~我都有聽過人講4-6最靚
回覆刪除但冬天好似又唔同d !!
我一陣會反荀崗買野....
睇左你個blog ,知多一點點
thx!!!~~
[版主回覆09/16/2012 14:01:15]我諗到時1-3 都無4點左右既陽光咁靚. 不過唔緊要, 個場靚就得喇.
你婚期幾時?? 幾點行禮呀??
如果上笋崗記得拉喼呀, 方便好多.
好靚啊~~
回覆刪除不過我唔係教徒~~
應該得個睇啦~~~
[版主回覆09/16/2012 17:33:29]HAHA.. 我都唔係教徒 x 2.
伯大尼依度唔洗教徒都得架.
我都打算book伯大尼呀!覺得佢好靚!但好似好難book!! 同埋除左1-3呢個時段之外其他都好騎呢!希望我都可以好似你咁幸運book到!
回覆刪除[版主回覆04/08/2013 09:46:04]係呀, 嗰度真係好靚. 我到依家都仲成日睇返當日既相.
努力啲, 搵多幾個朋友一齊幫手打電話啦.
其實如果我book 唔到1~3, 都應該唔會選擇去嗰度做註冊. 因為10~12又太早. 4~6又太晏, 除非擺酒地點係附近就可以考慮.
希望你都可以book 到啦, 加油呀.