唯美主義 - Confirmed

今日約埋mammy一齊嚟試衫, 同行仲有家姐同伴娘.

由於早左少少, 所以先到希臘女神度睇下. 本來依間都係考慮之一. 但前日打嚟約時間, 至知道原來要JOIN 左package 至可以試. 所以叫我地隨時上嚟睇喎.
由於我係婚展都睇過, 所以sales 帶我地上二樓睇mammy 款. 唔算多款. 但有一, 兩件幾靚. 但無得試上身, 好難講喎.


跟住就係唯美主義喇. 我搵返之前聯絡嗰位sales - Carman Tse.
由於每人只可以試兩件. 咁我都無再多睇, 只係叫Carman 拎我係會展睇中嗰幾件出嚟. 睇過真款之後再決定試邊件.
mammy 睇中左5-6件. 另外Carman 又再介紹多一件俾佢, 話依件額外俾佢試既.

我好快試完, 因為婚紗同晚裝, 佢地都話好襯我.
婚紗條拖尾, 家姐大讚好靚.
晚裝, Carman 最後俾我試左兩件晚裝, 灰色嗰件我真係好鍾意. 背後個蝴蝶結可以除落嚟, 或者隨時加上去. 另外又試左件紫色晚裝, 都好睇, 但款式可能會同灰色嗰件有d 似. 如果兩件選擇 , 更係選灰色啦.

跟住就到mammy 喇. 佢本身想著旗袍同一件晚裝. 但試過旗袍後, 佢又覺得自已著得唔好睇, 晚裝著得好睇d. 但佢又唔太鍾意個款. 跟住試carman 介紹既旗袍. 係件湖水綠色既旗袍 . 講真, 我覺得著得幾靚, 幾高貴. 但佢本人唔鍾意.
跟住樓上放mammy 衫既舖位有位, carman就帶我地上去睇. 原來仲有好多款. 但因為已經試左三件. 所以只可以睇, 有邊D 款合意既, Carman 就全部幫我地mark 低哂.

價錢. 其實我真係無諗過Carman 會主動提出俾返婚展價我. 因為都過左成兩個星期, 佢問我有無留會展張傳單, 我出示俾佢, 佢就可以俾返依個價我, 真係好開心呢. $6988/6件. 可以選擇upgrade 款式. 


由於我仲約左charming , 所以都係去試埋至作決定.
先陪mammy 試衫, 都好多款式, 都好新淨, 可以免費試2件. 講真, 環境佢地一定無唯美咁寬落, 試身地方都窄窄地. 可能佢地覺得mammy 衫無需要咁大既fitting room la.
跟住到我試. 試左兩件晚裝, 其中一件紫色好plain 既晚裝好靚. 但佢地真係唔多愛惜d 衫, 試完後好隨意咁丟落fitting 台既地上.
跟住要試婚紗就要上樓上間舖度試. 我想試嗰件係同希臘女神睇中嗰件一樣架. 但charming 拎條裙出嚟時, 條裙灰色既. 擺左幾多年架?? 但唔理喇. 照試. 唔知係咪因為條裙顏色原因 , 拖尾幾靚都好, 都唔想揀依條.
講真, 佢地真係好平, 唔洗7k/10套. 但佢地對衫既態度真係唔多愛惜囉


同mammy 商議後, 佢都覺得唯美主義好d. 所以就返去俾錢喇. 佢地收九點, 我地八點九返到去, 俾哂錢, mark 低哂要hold 乜款, 咁就開心地去食晚飯囉. 
決定後心情真係勁好. 可能搵到自己滿意既靚衫啦.