TST - 百樂門

家姐話有朋友會係tst百樂門擺酒，叫我去睇下啱唔啱。（後尾至知原來佢朋友擺尖東嗰間百樂門，唔係依間）

入口係樓下，然後要上樓梯。對老人家唔太方便。
好彩如果擺酒既話，reception 、相薄等可以搬上樓上，如果要係樓下都幾麻煩，因為樓下較窄。我地等位飲茶都覺得好熱，如果冬天，相信佢啲門都唔係點防到風，凍病都似。

場地係長方形，經理話我地圍數唔算多，可以每行放兩圍，咁進場就中間一條大直路。但如果圍數多。要每行中間再放一圍（即係好似五筒咁），咁進場就較麻煩。
但如果每行放兩圍，會有幾圍係樓梯口後面。依幾圍又好似俾孤立咁。唔係咁好。
有新娘房、獨立廁所。但感覺一般啦。