失蹤的兩個月

依兩個月真係無乜點理個BLOG，其實上年公司電腦出左問題後，已經唔敢再係公司LOGIN 任何私人A/C既嘢，所以連帶BLOG 都只會留係家中電腦度打。就因為咁所以依家可能星期六，日至會一次過打幾編上BLOG。

但係，3月中時，有日無端端眼痛，只為只係普通桃針，諗住過兩日會無事。點知第二日竟然變大粒左，過多兩日仲要腫埋眼底。所以即刻係去醫生，差不多兩星期也不好，仲要係好大粒，所以醫生轉我去眼科放膿手術。
4月1日到眼科度放膿，好彩老公陪我去，因為做完變左獨眼龍，但打左止痛針都無乜嘢，仲捉左老公同我去果欄買日本士多啤梨。但買完無耐，啲止痛藥開始散。真係越來越痛。所以快手食埋嘢就返屋企食藥休息。


本來以為一次可以搞掂哂，點知過左差不多兩星期都仲有粒細細既瘡係同一位置。因為之前未生過眼瘡，以為係未消腫，所以係星期六再去眼科醫生度覆診。
點知，醫生睇完話可能仲有膿係入裡，又話咁都無計架喎。態度真係好令人覺得不負責任，其實嚟之前都有懷疑過係咪入裡仲有膿，都諗緊如果真係仲有膿，仲俾唔俾醫生搞，因為俾人感覺不太專業咁。
但最後今次佢話由於上次我已經做過一次，所以今只係收回成本費用$500。（上次收我$1650，因為唔Claim 保險所以平啲，因為佢地問左我兩次洗唔洗claim 保險，醫生知唔洗至報價錢）
（我媽後嚟知道要再開刀，心痛之餘，仲要鬧有乜理由今次仲要俾錢，佢應該免費做這轉手術，同叫我告依個醫生）。
由於老公想我盡快好返，所以話今次做埋，所以即場再開刀放膿。其實真係好鬼痛，雖然佢用幼針打止痛藥，但打眼皮既位置真係好痛，之後又可以會扭啲設備係眼上來固定位置，諗起都想死，今次手術就真係感覺到佢用力壓啲腫出嚟。
可能今次係星期六，多啲人嚟眼佢，上次做完手術都俾我休息差不多一小時至話可以走，今次半個鐘就話走得，我出左房，果然有2~3組人係度等。

過左一星期左右，姑娘有打嚟問我情況，但當時唔得閒聽，所以跳左去留言。

再過多一星期，我見仲係仲有少少腫，同埋仲有好深色應該係醫生用力壓啲膿出嚟既印。所以忍唔住打去問吓其實會腫幾耐，今次由醫生自行接聽電話，佢話大約一星期左右已經可以完全消腫，聽到我話仲有啲腫，又話咁都無計架喎，無理由架。要我再約時間上去覆診，要睇過至知係乜嘢事。講真，上次第二次已經好勉強俾佢做第二次手術，所以真係唔會再上去第三次。
好彩，再過多兩星期已經消腫左，但眼尾位仍有少少腫起，但唔覺眼，可能係開兩次刀，嗰個係開刀傷口腫起少少既原因。

但黑仔既我，係隻眼未消腫前又俾老公傳染左咳俾我，仲要咳得嚴重過佢好多，連聲到變埋。最辛苦係，夜晚瞓覺時會咳得特別嚴重，瞓唔到，好難瞓得著，但如果半夜醒左，又會再次咳過不停，辛苦到想死。兩次西醫也睇不好，所以只好再入元朗睇中醫，我既咳真係只有佢地睇得好，但可能今次真係太勁，睇兩次都仲有手尾，要再食西藥至好。

今年 3 ~ 5月對我嚟講真係過得好辛苦，仲要係不停食藥食到想死。