一月份敗家物

一月份真係不停買嘢，依家只係記得買左以下。有部份細件嘢都唔記得喇。因為已經收埋左。

最開心同最癲係買到以下三個花花盅。因為Cassis 依個深紫色真係恨左好耐，估唔到佢突然出返，仲要係香港出。所以好癲咁，係返貨當天既lunch time 走左出尖沙咀專門店買。係一小時來回。
依家有 65折，所以一次過買埋Lavender同 Baby Violet。

講真cassis 個花盅唔算完美，但真係太靚又太鍾意喇。所以二選一揀左一個。
好好彩決定中午出去買花盅，因為我買時已經淨返無幾多個，回到公司已經見人話已經無貨喇。所以如果放工至出去，一定買唔到。

蓋上有一個小氣孔

另外，依個月買得最多一定係Starbucks 產品。
因為羊年會出特別版，老公係羊仔，所以更係買俾佢啦。（其實係滿足我自己購買慾啦）

好鍾意依個羊羊杯墊，但佢原先配隻杯就唔太靚，反而鍾意另一隻羊羊杯，所以決定買哂兩個。
原先個杯墊係配左邊隻杯，但我較喜歡右邊隻杯啦。

再自己組合送俾老公。（結婚兩週年禮物）

另外，再係網上買左依個韓國版starbucks 細羊羊杯俾埋老公。

其實本身係想買依款淺藍色大容量一啲既韓版羊羊杯俾老公，但太好賣，第一日已經俾人搶哂，又唔想用炒價買，所以放棄。

仲有依張韓版羊羊卡都係買唔到啦。好鬼靚。

另外，靠朋友鍾意買到依款限量版Alice + Olivia by Stacey Bendet x Starbucks 杯送俾我位叫Alice 既朋友。依隻都好難買到，好似出左三日已經售罄。我朋友係第二日入機場睇歌劇見到即刻打俾我至買到。有啲後悔無買隻俾自已。不過老公話我已經好多隻杯喇。

所以最後我只係買返張Alice & Olivia 既儲值卡俾自己用咋。

仲有依張羊羊儲值卡啦。

好多嘢都費事一次過拎返屋企，所以放哂係公司。最後咪變成.......... 好多袋嘢放哂係個位後面囉。