西班牙豬鞍

同老公諗唔到食乜，所以又搵吓冰箱有乜物資，發現仲有兩件豬鞍，所以就決定用嚟整晚餐。

之前見谷友教用LC / staub / 玫瑰鍋嚟溶雪，話溶得好快，所以又走嚟試吓。

um..... 唔知係咪我件扒太厚 (超過 1寸厚)，所以我放入鍋內都要差不多2小時至變軟，我都唔知算唔算快。因為平時我心急，會放係水喉下不停沖水至溶雪。

求其搵啲嘢嚟腌左兩件豬鞍就放返入雪櫃至晚上。

煎前先拎出嚟等佢無咁凍咁印干一啲水份。

 Grill Pan 搽油燒熱至出煙。

放入扒，先向10點鐘方向約 1分鐘。

再轉向約 1點鐘返向約 1分鐘。（時間要視乎件扒既厚度）

因為今次件豬鞍夠厚，所以有足夠時間俾我壓個美麗格仔紋出嚟。其實咁燒兩邊，實際係用嚟鎖緊扒入肉汁。

兩邊都燒好後，就可以放入錫紙中包好，再放入焗爐度焗約30分鐘。
（時間其實我都係亂咁嚟，但因為係豬肉，所以熟啲好過生）

經過 30分鐘焗熟後，美味既豬鞍終於出爐喇。
好淋，真係勁好味。

我習慣用完grill pan 會立刻加入熱滾水，咁樣會容易洗一啲。