淘。淘。淘。

結婚後好似好耐無淘嘢喇，但近期想今年試吓自己整月餅，所以就順手淘埋其他嘢。揀揀吓竟然分開左七間舖，好彩今次試用另一間集運，佢無限每張單集幾多間舖嚟香港啫。

睇吓幾大件，差唔多9kgs。好彩老公嚟接我。

Kitty圍裙。之前問左另一JM攞link，依家至去買。

另外為左執好少少個細小既廚房，所以要買返嚟信袋嚟幫吓手。

係另一間買家品既舖，發現好多電線扣。

當然仲有買焗爐用品啦，屋企之前個打蛋機壞壞地，見淘寶好平，RMB28.00/套咋。所以又淘一個返嚟試吓先。

之前睇電視節目見人地用手動磨黑椒器好似好方便。所以又搵吓。
如果用手動，我應該會好快無力，所以就由自動手入，搵搵吓，搵到個可以放哂鹽同磨椒粉既，啱哂食扒時用。


屋企個罐頭刀都麻麻地好用。所以又淘返個自動罐頭器返嚟，咁就唔怕手痛啦。