南瓜煲 - 入手

今日幾經辛苦終於知道原來只有屯門及康山既Aeon 可以單買一個南瓜煲而又有優惠價。

本來諗住黃埔都有Staub counter，點知去到行左兩個圈都唔見。問返職員至知原來裝修中。所以就開始不停打去唔同地方度問，全部都只做買一送一。

老公最後決定入去屯門度買，真係超開心。因為老公今次完全無講過任何反對既說話，我打電話打到想放棄時，都係佢叫我再問多兩間。

入到屯門Staub，見個煲好似好細個咁，都有諗過係咪真係買架。容量比我個24 round 再細一啲。但最後都係乖乖俾錢。因為真係好靚。唔買我怕將來人後悔。

南瓜煲，Aeon 單買一個特價$1399，職員先借出金券$120。即最後價錢係$1279。真係超開心。
不過要等4-6個月至有貨可以攞。好鬼耐呢。