王婕妤律師 ( Pauline Wong )

商戶評分
最高為5 分 -

******************************
商戶: 王婕妤律師 ( Pauline Wong )
評戶:  5分 (最高5分)
*******************************

我真係非常滿意王律師。
之前都有人問我，揀女律師怕唔怕聲音太細，其它人聽唔到，但我可以講，無依個問題發生。
雖然我地無用到咪，但其實註冊時，親友都會自動自覺安靜，而王律師都會大聲一啲，等在場所有人都聽到整個過程。

我地由於早上流程遲左，所以由男家出發到伯大尼，由原定開車時間12:00，延遲至12:45分至開車。我地差唔多1:35至到達。但攝影師同另一架兄弟車都仲未到。音樂既CD，頭紗，自製既証書套，佈置用品，全部都係架兄弟車度。

我地到步後，王律師已經到左準備及等我地出現。我立即沖左過去同王律師講聲唔好意思遲到，及提及過仲有兄弟車未到達，王律師好好，已經主動提出改為2:00開始。我真係非常之開心及感謝，延遲十五分鐘開始，對於我地嚟講真係好重要。

係開始時，王律師會先讀一段內容，佢完全唔需要睇稿，可以好流暢咁背哂出嚟。講真，唔算短架。我同老公事後都讚王律師好勁，因為我地都留意到，佢對依段稿背得好熟。

雖然王律師事前都有同我地講解過個流程，但我真係唔記得。
不過其實跟住王律師既指示就得，佢會帶領我地完成整過程序。

我對王律師既滿意，唔止以上。
我揀既婚紗係長拖尾嚟既，係爸爸將我交俾我老公及我轉好身企定後，條拖尾唔會自動自覺走去適當位置，雖然我有經驗既姊妹已經企係一邊，方便隨時協助我。但估唔到，王律師係我企定後，已經發現拖尾已經拿埋一注，好快手已經過嚟幫我放好條拖尾，仲快手過我啲姊妹，依一樣真係我意料之外，可能只有女性既律師至會咁細心。