朱古力雪糕蛋糕卷

幾個月前已經同老公講整俾佢食，但當佢知道用料後，佢話缺乏誠意，一直叫我唔好整。
但起左心癮既我，唔整一次點都唔會心息，所以係一次無聲無息既情況下，拎左件朱古力雪糕蛋糕卷出嚟俾佢做餐後甜品。

用料真係超級簡單。就係........
現成的瑞士卷 + 蓮花杯雪糕。
其實本來想揀芒果味的。但沒有，所以只好揀朱古力味。

其實真係好鬼簡單，打開個瑞士卷，放入雪糕，卷返埋包好，再放回入冰箱雪 1~2小時就可以切嚟食。