護髮膜 + 髮尾油

後生時啲髮質好好，但一直無珍惜，仲成日走去電同埋染髮。最勁一次係兩個月內染左三次，就係依次之後，髮質已經改變左，以前即使染完，仍然好順滑，但依次之後，染完都會打結。要密密做焗油保養至得。到最後，可免既都唔會再染頭髮。依家仲要成日用焗油嚟當護髮素咁用。

近期好鍾意上網睇網上賣韓國護膚品既網站，佢地介紹左兩款護髮用品，又咁啱做promote。護髮膜 + 髮尾油，兩樣加埋都係HKD138.00。佢地介紹得好吸引，所以就買左依兩樣返嚟試。

護髮膜第一次用完，真係超滿意，好滑。但可能我髮質差，只可以維持三日左右。但用左三星期之後，覺得髮質有改善。所以會keep住用呀。

另一樣就係髮尾油，其實已經好多年無用髮尾油，因為有時搽得唔好，會搞到啲頭髮好油，好重咁。但依款佢地介紹又話好好，仲要係星星入面出現過，因為佢係全知賢做代言人，所以係千頌伊化妝枱上出現過啦。因為買髮膜可以以+$60優惠價嚟買，所以就買埋嚟試用。依款真係好容易搽，我每次揼兩下，只是求其係手搽均就會搽上頭髮度，無出現過話好油膩既情況出現。搽完都仲係覺得好乾爽。

另外，仲有一支噴霧，依支只係係萬寧已經買到。噴上後，都令我頭髮易疏左。

以上三項產品，用後令我原來洗髮後會出現嚴重打結＋脫髮情況得以改善。真係令我好開心。