我的小小collection

由第一個staub煲開始，中毒只有11個月，都未夠一年，已經買到以下咁，相對其它人嚟講，可能我唔算多。但其實都打算收手喇。因為真係無位放喇。仲要有幾樣嘢仲係人地度，未拎返嚟屋企。
等第時真係有個大廚房或者有個玻璃櫃可以放佢地時，到時至再買啦。（其實如果有靚色，都會再買既）

早排有一晚心血來潮，就搵哂啲LC 同Staub 出嚟合照。其實唔算多，但兩個人用就真係多左少少。仲要有啲係唔記得拎出嚟。

影完收埋哂至記得漏左佢。依套嘢我仲未捨得開嚟用。

其實我都唔算太多煲啫。都係得六個，再加兩個盤。其中四個係我的最愛，真係唔捨得借俾人用，例如絶版lemon，紫花，南瓜煲同埋豬煲。

LC真係好多靚既粉紅色，唔覺唔覺原來已經買左一堆。

仲有我大愛既紫色。（又影漏個GRILL PAN）

我另一最愛，就係花花系列喇。

唔覺唔覺，原來我已經買左超過十隻碗係屋企，但老公覺得太厚，唔好用，都係用返以前啲舊碗，所以依埋碗都仲係用嚟儲。

家姐啱啱去完日本，係outlets 買左超平既盅返嚟，計返好似太約HKD150.00/個。平香港一節。

其實仲有啲未拎返嚟，但搬嘢出嚟過程，發現我真係唔少嘢，好彩大部份有原裝盒容易儲存。