韓式炸雞

之前迷上睇星星，連老公都知炸雞+啤酒。
不過由於唔知韓式炸雞好唔好食，所以一直都無叫過老公陪我去食。直接前日見朋友去左荃灣食韓式炸雞，老公主動話同我去食，試新嘢，我最鍾意。
老公一早睇左個位置，我只係知道近悅來酒店嗰邊，泊好架車，搵左一陣就見到。間舖本身只做外賣，但都有兩張接枱，可以堂食，一場嚟到，梗係堂食啦，雖然落緊雨，但因為間店舖上面有條橋，所以都唔怕，可以放心坐低慢慢食。不過如果介意坐係街邊食嘢，就建議外賣喇。

老實講，舖內可以選擇既食品唔算多，間舖開左幾耐，我都唔知。所以可能新開，未有太多食品卦。
由於我地只有兩個人，而且特別係為左炸雞而嚟既，所以就先試朋友推介既辣味炸雞半隻 - $69。我地坐低後，佢地好貼心地提供濕紙巾，及前菜，估唔到外賣店也提供前菜，前菜有：菜絲 + 沙律醬 及腌蘿蔔。
由於係落order 至即整，所以都要等10~15分鐘。不過佢地安了部電視，不停播放K-pop。所以都唔覺得等得太耐。

我好鍾意食依個辣味炸雞，好好味，可能有辣醬包住啲雞，我食得非常之干淨。所有炸皮都食哂。而且，佢地炸得好干身，唔會覺得油淋淋。平時食KFC，皮同肉之間會有一層油，但依度唔會。好好食。

由於之前唔知份量有幾多，所以先叫半隻，而且又見好食，所以同老公研究後，決定再叫多半隻原味炸雞。
講真，如果要選擇的話，我鍾意辣味多啲，可能有醬包住，濕啲，感覺無咁干，易入口啲。但原味都好食。

另外，我地落左order 後，至發現原來依間舖係由韓國人打理架。但會有一位中國人落order。但其它幾位都係韓國人，同場另外有一枱應該係佢地既韓國朋友嚟撐場。

地址: 荃灣寶麗花園A座地下15A舖。