爸爸60歲大壽 - 2014年1月24日

爸爸生日喺係星期五，為左佢生日當然請半日假啦。
一收工即會合佢地一齊去飲茶。然後就去九龍城富豪酒店攞房（俾大陸親友住），搞checkin都用左唔少時間。因為佢地搞得好慢。然後就即刻再過酒樓，放低我爸，媽同埋搬埋部份酒到酒樓。
我同細佬就再要入粉嶺拎蛋糕，講真，我係真係唔認得啲路，之前幾次都係老公車我入嚟，不過好彩依家上網搵道路都好方便啦。
我地成四點至入到餅店，真係好心急想睇下個蛋糕，未入餅店已經先到廚窗度睇下個蛋糕先，真係超滿意呀。
五磅蛋糕，再加上個高身紙盒，都幾重幾難拎，好彩細佬架車停得唔遠，我走出商場佢已經發現我，已經自動過嚟接受拎上車。

跟住仲要到banner shop度拎banner同易拉架，依兩樣嘢家姐係工展會度訂，都算平，只需要HKD99.00，但可能因為係工展會度訂，所以製作時間要長一點。因為之前我問過，如果直接到舖度俾錢，大約需要三日。現在經工展會買，要七個工廠天。兩樣嘢都係要等到今日四點至有得拎。不過都好彩趕得切。

大約五點至到酒樓，有部分人已經到左打牌，我地就幫手搞埋啲抽獎禮物，同埋回禮禮物。回禮禮物噙日老公同細佬到集運度拎，然後即搬到酒樓，我都未見過箱嘢。打開個箱分禮物時至發現唔夠數，應該訂左108隻，但現在只有一箱， 只有60隻，打電話回淘寶店那邊又話已經下班，要假期後才可以回覆。打去速遞又話無俾少嘢我地。R哂頭，所以今晚有部份來賓無回禮禮物拎啦。其實我到今日，淘寶間店都未覆我，佢係寄左幾多箱嘢到集運。

未夠八點已經拎蛋糕出嚟準備切，估唔到太多人影相，最後搞到8:30至可以切蛋糕。職員幫手分蛋糕，我揀左栗子味，個蛋糕面既糕膠全部拎起，可以食既只有底既蛋糕，沒有任何生果於蛋糕裡面，切開完全唔吸引，同埋份量唔多，我都無食到。

當晚家姐準備左好多禮物，八台酒席，準備左42份禮物，差唔多一半人都抽到禮物，但抽奬時間用左好多時間，爸爸抽獎抽左一半都走去招呼朋友，俾其它人抽埋餘下部份。

同場加影，當日整餅人既其它3D蛋糕。真係好靚呀。