Innisfree + 日晉最後一支針

今日太約三點到達旺角新開張既 Innisfree，見條隊唔算太長，所以就照排啦，但之後睇返都差唔多排左成40分鐘至入到去。
噙日第一日開張，paper mask好抵，買十送十（即係$100有20張），但今日只有買十送二。唔算平好多，所以費時迫去睇，等遲啲無咁多人至慢慢睇其它款。因為今日最主要想買綠茶既sleepy mask，另外再買左兩套新開張出既set裝，都好抵。
買滿$188仲送一套試用裝綠茶套裝，我依個C9仔就分左兩張單，攞左兩套試用裝，好抵呀。

買完嘢就上日晉打埋最後一支加衛苗，其實都有啲後悔Join左日晉，因為都幾難約時間打針。係婚展Join package時，個職員話佢地收七點，我諗住平日收工出去都仲打到，點知原來佢地最後既booking時間只接受至6點。咁每次都只可以約星期六，幾次都要等一個鐘頭以上，最令人難受既係佢地診所有部電視，每次都會重複播一條片，仲要開到好大聲，真係令你等待既時間更加慢長。

今日等左一個鐘頭時，見有另一個女仔都係嚟打針，但有個姑娘走嚟同佢講：因為今日太多人嚟聽驗身報告，所以如果唔介意，可以由姑娘代打針。吓...... ，原來可以由姑娘打就唔洗等，咁仲乜唔同我講呀，所以就問另一個姑娘我仲要等幾耐，因為我之前嗰批人都走哂喇喎，點解仲未到我？佢至講，不如由姑娘代打。

其實對日晉既不滿係由上個月睇驗身報告已經開始，上次上到去只有3~4個人等，其實真係算少，咁姑娘俾左兩份報告我地就坐低等啦。越等越耐，越等越唔對路，點解遲過我地嚟既人都早過我地入去見醫生既，我就周圍望，發現人地拎住既報告係無一個膠file（膠file 內係我地既報告），我就拎住份報告走去問姑娘幾時到我地，我已經特登show俾佢睇埋個膠file，但佢都係覆我話就快到，跟住再入多一個人，依個人我地好肯定佢係遲過我地嚟既，所以我就再拎住啲報告過去問，其實依個膠file係咪應該係我地度，佢地至好似啱啱瞓醒咁，原來由頭至尾佢地俾埋應該係醫生手上既報告俾埋我地，即係醫生房內係無我地既資料，咁我等到佢地收工都未到我地啦，嘥哂啲時間。