爸爸的禮服

本來諗住爸爸, 老爺既衫都係造.
但上星期同爸爸去西裝店度睇過西裝後, 佢又覺得西裝好似普通左d. 如果造套禮服, 之後又好似無乜用咁. 本來諗住同佢去唯美度睇吓d 男禮, 如果啱既就再租一套俾爸爸. 但媽咪提議去金都度睇下先. 所以星期日得閒, 就同爸爸, 媽咪一齊去行轉金都.

我地一行四人, 一到金都, 好快先入左行門口嗰間男禮, 爸爸都試左件外套上身, 租金價錢$9xx , 價錢都ok, 但因為第一間, 所以再睇下先.

跟住就到轉彎, 就係"華利高" ,當時店內有兩位男sales , 都好有禮貌 , 說明要睇爸爸禮服, 即刻拎左兩款出嚟俾我爸爸試穿. 價錢比門口嗰間平, $680 (包外套, 褲, 呔, 腰封) - 租三日兩夜.

跟住再向前行, 角落位既舖位, 店內男sales (應該係老細), 態度好似愛理不理咁. 總知俾人感覺無禮貌 , 唔想做咁. 價錢係最平. 租金$580.

論質料, 第一間及第二間差不多, 如果以新郎款比較, 第一間會較多. 但如果只比爸爸禮服, 兩間就差不多. 而第三間, 雖則價錢最平, 但料同手工, 係最差的.

由於爸爸係怕煩既人 , 所以睇啱就租喇.
其實未出嚟前, 我都係諗住今次係睇下, 唔會今日決定租, 但估唔到價錢咁平 (我預左單租一套要過千蚊架). 所以都即日決定埋喇.

幾間感覺最好係第二間. 所以就返第二間度租, 嗰度好好, 仲借出恤衫俾爸爸 , 咁試禮服時, 可以睇埋整體效果. 12月~1月初有一次Fitting , 量多次尺寸有無變. 跟住就婚前一日嚟攞衫, 婚後嗰日,六點前還衫即可.
按金$1000. 佢地口講話, 唔係整爛套衫/配件, 只係整dirty 的, 都唔洗賠. 但實際係咪咁就要真係出事至知喇.
另外, 仲買埋件恤衫- $220 (有好多摺嗰d )





租金$680 已經包埋呔同腰封 , 呔同腰封有唔同顏色可以揀, 兩樣揀唔同色都得.
另外, 仲配埋依款恤衫- $220.

圓領外套 

尖領外套
其實我覺得尖領靚d . 但尖領款, 背部有修腰摺, 著起後, 男友話無咁自然, 覺得圓領好睇d. 

依次係返轉頭落單, 要量尺寸而正式試穿既, 著上整套後, 感覺真係差好遠.

依款係另一款呔, 都可以揀.